Tanınmış vəkil Adəm Məmmədov yeni mərkəz təsis edib.
“İnterxəbər” xəbər verir ki, o, bundan sonra fəaliyyətini “Legatus Hüquq Mərkəzi”nin direktoru olaraq davam etdirəcək.

Adəm Məmmədov uzun illərdir ki, vəkillik fəaliyyəti ilə məşğuldur. O, bu müddət ərzində 40-dan çox bəraət qərarına nail olub, saysız-hesabsız insanların hüquqlarını uğurla müdafiə edib.

Qeyd edək ki, A. Məmmədov həmçinin Bakı Dövlət Universitetinin Hüquq fakültəsində pedaqoji fəaliyyətlə də məşğul olub. Gənc hüquqşünasların yetişməsində onun rolu danılmazdır.

Bu yeni mərhələ — Legatus Hüquq Mərkəzinin yaradılması — Adəm Məmmədovun ədalətə, hüquqa və cəmiyyətə xidmət missiyasının davamıdır. Onun rəhbərliyi altında mərkəzin çoxsaylı insanlara ədalət və dəstək qapısı olacağına şübhə yoxdur.


Bizdə İnterxəbər Kollektivi adından Adəm Məmmədova müvəffəqiyyətlər arzu edirik.

Tanınmış Vəkil Yeni Direktor Oldu