Son günlər sərbəst güləş üzrə olimpiya çempionu Toğrul Əsgərovla bağlı mətbuatda yayılan xəbərlərə onun klassik növdə çıxış edən həmkarı sərt reaksiya verib.


Adalet.az xəbər verir ki, yunan-Roma güləşi üzrə dünya və Avropa çempionu Həsən Əliyev "facebook" səhifəsində Toğrula dəstək olub. O, media nümayəndələrini məsələyə obyektiv yanaşmağa, qərəzli xəbərlər yaymamağa çağırıb: "Mənasız saytlarda işləyən jurnalistlər, gözünüzü açın, yaxşı oxuyun! Toğrul 2012- ci ildə London yay Olimpiya Oyunlarında bütün ölkəni çətin vəziyyətdən qurtaran adam idi. Neçə idman növü medalsız qalmışdı, ümidinizi üzmüşdünüz ki, Azərbaycan Londondan qızılsız qayıdacaq. 19 yaşlı oğlan çempion oldu, kiçikdən-böyüyə hamını sevindirdi. Nə oldu, onun çempionluğu ikillik idi?! Düzdü, razıyam, hansısa idmançı zəif çıxış edəndə tənqid lazımdı, daha iyrənc başlıqlarla yox. O adamı iyrənc tərzdə tənqid edirsiniz ki, ondan Azərbaycan tarixində barmaqla sayılacaq qədərdi. Qədrini bilin elə adamların, müğənni deyil ki, gündə biri çıxsın".