Xarkov vilayətinin Merefa şəhərinin rus qoşunu tərəfindən atəşə tutulması nəticəsində 21 nəfər həlak olub, daha 25 nəfər yaralanıb.

Redaktor.az xəbər verir ki, bu barədə Xarkov Vilayət Prokurorluğunun mətbuat xidməti “Facebook”-da məlumat yayıb.

Məlumatına görə, martın 17-də Rusiya hərbçiləri şəhəri raket zərbələri və artilleriya vasitələri ilə atəşə tutub. Nəticədə ümumtəhsil məktəbi və şəhər mədəniyyət evi dağıdılıb.

“21 nəfər həlak olub. 25 nəfər yaralanıb, Onlardan 10-nun vəziyyəti ağırdır. Dağıntıların təmizlənməsi üzrə işlər davam etdirilir”, - məlumatda deyilir.

Artıq qəsdən adam öldürmə (Ukrayna Cinayət Məcəlləsinin 438-ci maddəsinin 2-ci hissəsi) ilə bağlı müharibə qanunlarının və qaydalarının pozulması faktı üzrə ibtidai istintaq başlayıb.