Almaniyanın 30-dan çox şəhərində, o cümlədən Berlin, Hamburq, Köln, Münhen, Frankfurt-Mayn və Ştutqartda gənclərin genişmiqyaslı etiraz aksiyaları başlayıb. Aksiyalara ölkə üzrə təxminən 160 min nəfərin qatılmasını planlaşdıran "Gen Z regelt" ("Z nəsli həll edir") təşəbbüsü çağırış edib.
Berlində nümayiş şəhərin simvollarından biri olan Brandenburq qapısının yaxınlığında keçirilir. Aksiyada 10 mindən çox insanın iştirak edəcəyi gözlənilir.
Etirazçıların əsas tələbləri arasında məcburi hərbi xidmətin bərpasından imtina edilməsi, təhsil, səhiyyə və iqlimin qorunması sahələrinə ayrılan investisiyaların artırılması, həmçinin yaşayış xərclərinin artmasına qarşı daha fəal tədbirlərin görülməsi yer alır.
Məlumata görə, axşam saatlarında Almaniya paytaxtının Rozentaler-plats meydanında təxminən 500 nəfərin iştirakı ilə daha bir aksiyanın keçirilməsi planlaşdırılır. "Z nəslinin səbri tükəndi" şüarı altında keçiriləcək aksiyaya Fələstini dəstəkləyən fəalların və solçu radikalların da qatılacağı gözlənilir.
Berlində ictimai təhlükəsizliyin təmin olunmasına 1 500-ə yaxın polis əməkdaşı cəlb edilib. Təşkilatçılar aksiyalardan əvvəl dəfələrlə yalnız dinc etirazları dəstəklədiklərini bildirərək iştirakçıları təxribatlara uymamağa çağırıblar. Buna baxmayaraq, Almaniyanın hüquq-mühafizə orqanları nümayişlərin iğtişaşlara və etirazçılarla polis arasında toqquşmalara çevrilə biləcəyini istisna etmirlər.
Aksiyaların keçirilməsi "Halloween" bayramı ilə əlaqədar tədbirlərlə eyni vaxta təsadüf edir. (Bayram oktyabrın 31-dən noyabrın 1-nə keçən gecə qeyd olunur - red.)
Bundan əlavə, polisin məlumatına görə, sosial şəbəkələrdə bəzi ekstremist qruplaşmalar, xüsusilə də solçu radikal qruplar öz tərəfdarlarını nümayişlərə qoşulmağa çağırıblar. Bununla əlaqədar olaraq, ölkə üzrə hüquq-mühafizə orqanları gücləndirilmiş iş rejiminə keçiblər.
Etirazlar ərəfəsində Berlində və digər şəhərlərdə fəaliyyət göstərən bir sıra dəb butiklərinin vitrinləri taxta lövhələrlə bağlanıb. Bəzi mağazalar isə oktyabrın 30-da iş vaxtından əvvəl bağlanacaqları barədə elanlar yerləşdiriblər.
Biznes nümayəndələri etirazların Fransada baş vermiş hadisələrə bənzər talanlarla nəticələnə biləcəyindən ehtiyat edirlər.
Son xəbərlər
Almaniyanın 30-dan çox şəhərində gənclərin etirazları başlayıb
Son xəbərlər
Sahibə Qafarova “Aqaba Prosesi” çərçivəsində Astanada keçirilmiş görüşdə iştirak edib
Bölgə
İlham Əliyev və xanımı Zəngilanda açılışda iştirak etdilər
Bölgə
Prezident: "Köçkünlərin doğma torpaqlara qayıtması hər bir vətəndaşımızın böyük arzusu idi"
Siyasət
Meksika mətbuatı Prezident İlham Əliyevin strateji liderliyini yüksək qiymətləndirib - Foto
İqtisadiyyat
Vergi borclarına görə hesablanan faizlər iki dəfə azaldıla bilər
Siyasət
ABŞ-nin İranla bağlı planları: Tramp administrasiyası nə qərar verəcək?
İqtisadiyyat
Neft yenə kəskin bahalaşdı
Son xəbərlər
Bank iflas etdiyi üçün ölkə prezidenti istefa verdi
Tarix
Şavkat Mirziyoyev Zəfər Günü münasibətilə İlham Əliyevi təbrik edib
Siyasət
Husilər Səudiyyə Ərəbistanı ilə sülh üçün külli miqdarda pul tələb etdilər
Siyasət
İran Ermənistana xəbərdarlıq etdi: "Qırmızı xətt"...
Hadisə
DTX Biləsuvarda dron vasitəsilə narkotik vasitələrinin qaçaqmalçılığını edənləri saxladı
Texnologiya
Prezident qanun imzaladı
İqtisadiyyat
Azərbaycanda saatlıq əmək haqqı sistemi tətbiq ediləcək
Siyasət