Bakıda piyadanın vurulması ilə nəticələnən yol-nəqliyyat hadisəsi baş verib.

“Report” xəbər verir ki, hadisə paytaxtın Səbail rayonunda qeydə alınıb.

Belə ki, Bayıl qəsəbəsində 31 yaşlı Əsgərov Elbrus yolu keçmək istəyərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb.

Ona sağ qolun əziyi və qapalı kəllə-beyin travması diaqnozu qoyulub.