Xarici kütləvi informasiya vasitələrinə görə, ABŞ Hərbi Hava Qüvvələri (HHQ) hələ də Rusiya və Çin kimi rəqiblərinə qarşıdurmada effektivliyi təmin etməyi planlaşdıraraq MQ-9 “Reaper” pilotsuz uçuş aparatlarını (PUA) 2035-ci ilə qədər xidmətdə saxlamağı düşünür.

ABŞ HHQ, Rusiya və Çin kimi düşmənlərinə qarşı pilotsuz hava vasitələrinin təsirini təmin etmək üçün “General Atomics Aeronautical Systems” şirkətinə MQ-9 “Reaper” PUA parkının bir hissəsini təkmilləşdirmək sifarişini verib.

Beləliklə, “General Atomics Aeronautical Systems”, 2021-ci ilin aprelində əvvəlki yığımlarla müqayisədə planlaşdırılmış bir neçə yeni yeniləməli MQ-9 Multi-Domain Operation (M2DO) PUA tədarük etmək üçün ilk sifarişini alıb.

Digərlərindən mümkün qədər səmərəli istifadə etmək üçün silahlanmada olan MQ-9 donanmasının bir hissəsinin də eyni M2DO konfiqurasiyasına təkmilləşdirilməsi planlaşdırılır.

Təkmilləşdirmə, PUA havada olarkən komandanlıq və idarəetmənin etibarlılığını təmin edəcək əlavə imkanları təmin etməlidir.

Təkmilləşdirmə proqramı çərçivəsində MQ-9 PUA-nın bort elektrik enerjisi gücünün artırllması və PUA üçün yeni açıq bir arxitekturanın inkişafı da daxildir ki, u yeniləmələr müasir təhlükələrə cavab olaraq yeni faydalı yükləri sürətlə birləşdirməyə imkan verəcəkdir.

ABŞ HHQ MQ-9 PUA-nın elektro-optik / infraqırmızı kamerasını da təkmilləşdirməyi və PUA-ların daşıya biləcəyi silah növlərini genişləndirməyi planlaşdırır.

ABŞ HHÜ, bu təkmilləşdirmələrlə MQ-9 “Reaper” PUA-nı 2035-ci ilədək xidmətinin proqnozlaşdırılan sonuna qədər aktual saxlayacağına ümid edir. O vaxta qədər, ABŞ, Rusiya və Çinin təhdidlərinə qarşı xüsusi olaraq hazırlanmış, “Stels” texnologiyalara malik MQ-Next PUA yaratmağı planlaşdırır.