Aprelin 8-də Ermənistanın Kəlbəcərin Ağdaban kəndində törətdiyi qırğının 30 ili tamam olur.

Ağdaban faciəsi Ermənistanın azərbaycanlılara qarşı etnik təmizləmə siyasətini təmin etmək məqsədilə törədilib.

Bu faciə Birinci Qarabağ müharibəsində Ermənistanın mülki insanlara qarşı qəddarlıqlarından birini təşkil edib. Erməni silahlıları 1992-ci il aprelin 7-dən 8-nə keçən gecə 130 evdən ibarət olan Ağdabana girərək kəndi yandırıblar.

Ermənilər 779 nəfərə işgəncələr verib, 67 nəfər qətlə yetiriblər. Səkkiz nəfər 90-100 yaşlı qoca, iki azyaşlı uşaq, yeddi qadın diri-diri yandırılıb.

Ağdabandakı qətliam Kəlbəcərin sonrakı dövrdə işğalına şərait yaratmaq məqsədi daşıyırdı.