“Mənim arzum var”.

Avropa İttifaqı (Aİ) gələcəkdə Rusiya Federasiyasının tərkibinə daxil olacaq.

Interxəbər RİA Novosti-yə istinadla xəbər verir ki, bu barədə Çexiyanın prezidenti Miloş Zeman çex radiousuna müsahibəsində deyib.

“Mənim arzum var. Yaxın gələcəkdə Rusiya Federasiyası Avropa İttifaqının üzvü olacaq. Əgər xoşunuza gəlmirsə, fikirləşin ki, Avropa İttifaqı Rusiya Federasiyasına daxil olacaq”, - Çexiya prezidenti belə hesab edir.

O, qeyd edib ki, Rusiya və Avropa İttifaqının iqtisadiyyatlarının bir-birlərinə ehtiyacı var.

Bundan başqa Zeman deyib ki, Rusiya və Aİ-nin terrorizmə qarşı birgə mübarizəsini arzu edir.

“Rusiyada terroristlər var, bizdə - Avropada da terroristlər var, amerikalıların 11 sentyabrı var. Niyə bu mübarizədə birləşməyək? Fikrimcə, bu, bizim sivilizasiya üçün əsas təhlükədir”, - o deyib.