“Ukrayna ətrafında vəziyyət gərginləşməyə davam edərsə, Qərb həmişə Rusiyaya danışıqlar təklif edə bilməz”.

İnterxəbər Publika.az-a istinadən xəbər verir ki, bu barədə Avropa İttifaqının Prezidenti Şarl Mişel bildirib.
“Rusiya qüvvələrinin Ukrayna ətrafında cəmləşməsi davam edir, biz deeskalasiya əlaməti görmürük. Aİ əbədi olaraq “zeytun budağı” təklif edə bilməz. Eskalasiya davam edərsə, kütləvi sanksiyalar tətbiq olunacaq”.

Şarl Mişel Rusiyanın Qərbi parçalamağa çalışdığı, lakin Aİ ölkələri və transatlantik müttəfiqləri, eləcə də bütün dünya üzrə tərəfdaşları, o cümlədən Yaponiyanı bir araya toplamaqla əks effekt əldə etdiyi barədə fikir bildirib.

Qeyd edək ki, bundan əvvəl Yaponiya Rusiyanı Ukrayna ətrafında vəziyyəti gərginləşdirməkdə ittiham edib.