Ukrayna Prezidenti Vlodimir Zelenski Türkiyədəki geniş miqyaslı yanğınlarla əlaqədar həmkarı Rəcəb Tayyib Ərdoğana başsağlığı verib. O, Ukraynanın Türkiyəyə yanğınsöndürmə təyyarəsi göndərəcəyini qeyd edib.

SalamNews-un xəbərinə görə, bu barədə o, "Twitter" səhifəsində yazıb.

"Güclü meşə yanğınları ilə əlaqədar dostum Türkiyə Prezidenti Rəcəb Tayyib Ərdoğana səmimi başsağlığı verdim. Ukrayna Türkiyəyə lazım olan bütün yardımı göstərəcək. Yanğınsöndürmə təyyarəmiz Türkiyəyə uçacaq. Ukrayna xalqı bu çətin zamanda dost türk xalqı ilə birlikdə olacaq", Zelenski bildirib.