Türkiyə Xarici İşlər nazirinin müavini Yavuz Səlim Kıran Fransada ASALA terroru ilə bağlı paylaşımı bəyənən bələdiyyə üzvünün istefaya məcbur edilməsinin yolverilməz olduğunu bəyan edib.

Bunu nazir müavini özünün “Twitter” səhifəsində bildirib.

O vurğulayıb ki, söz azadlığı sahəsində başqalarına dərs keçməyə çalışanlar, özlərinin rahatlığını pozan həqiqətlərlə üzləşincə hər cür təzyiq göstərməyə haqq qazandırırlar.

Qeyd edək ki, ASALA erməni terror təşkilatının hücumu nəticəsində həlak olmuş türk diplomatlarınin xatirəsinə edələn paylaşımı bəyənməsi səbəbilə Fransanın Valans şəhər bələdiyyə məclisinin üzvü Yasin Yıldırım məcburən istefaya göndərilib.

Bələdiyyə sədri Nikolas Daragon ölkədəki erməni diaspora təşkilatlarının təzyiqi ilə türkəsilli məclis üzvündən istefa verməyi tələb edib.