Avropa Birliyi Şurasının sədri Şarl Mişel Gürcüstanda hakim və müxalif partiyalar arasında razılaşmanın əldə olunduğunu bildirib.

TASS xəbər verir ki, bu barədə o, “Twitter” səhifəsində paylaşım edib.

Ş.Mişelin sözlərinə görə, hər iki tərəf Brüsselin təklif etdiyi daxili siyasi böhranın həlli planını qəbul edib.

Qeyd edək ki, bazar günü AB tərəfindən təklif olunmuş sazişə əsasən, hakim “Gürcü arzusu” partiyası payızda yerli hakimiyyət orqanlarına keçiriləcək seçkilərdə 43%-dən az səs toplayarsa, o zaman 2022-ci ildə növbədənkənar parlament seçkiləri keçiriləcək. Razılaşmaya görə, bir sıra müxalifət nümayəndələri, o cümlədən Nika Meliya və Georgi Rurua əfv olunacaq.

Xatırladaq ki, Gürcüstanda ötən ilin noyabr ayından bəri siyasi böhran davam edir. Müxalifət hakimiyyəti saxtakarlıqda ittiham edərək, parlament seçkilərinin nəticələrini tanımaqdan imtina edir.

Agreement in #Georgia

Sakartvelos Gaumarjos!

Congratulations to political leaders on signing the deal out of the current crisis.

You put the people's interests first and let democracy prevail.

Thanks to President @Zourabichvili_S and all parties. pic.twitter.com/cBm4pRQwWr

— Charles Michel (@eucopresident) April 19, 2021