Azərbaycanda yaxşı bir atalar sözü var: “kar eşitdiyini, kor tutduğunu buraxmaz”. Təsəvvür edin, biri cinayət törədir və sonra məsuliyyətdən qaçmağa çalışır, özünə alibi qazana bilməyəndə həyasızlığa keçir. Güclü arqumentlər və qüsursuz məntiqi mühakimələr onu küncə sıxışdıranda isə dil tapmağa çalışar.

Ermənistan dövləti də belədir, hərbi cinayətlərə imza atıb, azərbaycanlılara qarşı qanlı əməllərin sifarişçisi və icraçısıdır. Qarşılarına minlərlə fakt qoysan da, görüntülər təqdim etsən də, yenə də dövlət olaraq heç nəyi boyunlarına almayacaqlar, aciz qaldıqda da “dil tapmaq” üçün gülünc təkliflər səsləndirəcəklər.

Ermənistan kordur və kardır, nəyisə görmək istəmir, həqiqətləri qulaqlarına pıçıldayanda belə həyasızcasına özlərinin məzlum obrazlarını yaradırlar.
Ermənistan həm də iqtisadi, siyasi, demoqrafik, sosial cəhətdən bərbad günlərini yaşayır, beynəlxalq enerji layihələrinə də boylanıb baxa bilmir, çünki işğalçı siyasəti onu kor edib, bütün beynəlxalq və enerji layihələrindən kənara tullayıb.

Ermənistanın Baş naziri Nikol Paşinyan isə ölkəsinin siyasətinin korluğunu və karlığını bir daha nümayiş etdirir. BBC-də yayımlanan “Hard talk” verilişinin qonağı olan Nikol Paşinyan aparıcı Stiven Sakurun çətin sualları qarşısında əzilib-büzülür, dişsiz arqumentləri ilə diqqət çəkir. Onun mənasız, populist, faktlardan çox ideoloji təbliğata yönələn fikirlərinin hamısının üzərində dayanmayacağıq.

Bu yazıda erməni baş nazirin BMT Təhlükəsizlik Şurasının Azərbaycanın işğal altındakı torpaqları ilə bağlı qəbul etdiyi qətnamələrə dair yanaşmalarındakı səhvləri göstərməyə çalışacağıq.

BMT Təhlükəsizlik Şurası 1993-cü ildə Kəlbəcər, Ağdam, Füzuli, Cəbrayıl, Qubadlı və Zəngilanın işğalını pisləyən qətnamələr (müvafiq olaraq 822, 853, 874 və 884 saylı) qəbul edib.

Nikol Paşinyan ənənəvi tezisini təkrarlayır, deyir ki, həmin qətnamələrdə Ermənistan silahlı qüvvələrinin deyil, yerli erməni özünümüdafiə qoşunlarının adları qeyd olunur.

Paşinyan bununla qətnamələrdə Ermənistanın üzərinə heç bir məsuliyyət qoyulmadığını çatdırmağa çalışır, amma görünür ya qətnamələrin məzmunundan və çağırışından xəbərsizdir, ya da bilərəkdən manipulyasiyaya yol verir.

822 saylı qətnamədə yerli erməni qüvvələrinin Kəlbəcərə hücum etdiyi bildirilir, amma eyni zamanda, Azərbaycanın ərazi bütövlüyü və suverenliyi məsələsi vurğulanır.

Qətnamənin üçüncü cümləsində BMT Təhlükəsizlik Şurası Azərbaycanla Ermənistan arasında əlaqələrin pisləşməsindən ciddi narahatlığını ifadə edir. Demək ki, burada Ermənistanın üzərinə məsuliyyət qoyulur, Ermənistanın məsuliyyəti kontekstində yerli erməni qüvvələrinin adı çəkilir. Yəni Ermənistanın Qarabağ separatçıları ilə əlbir olmalarına işarə edilir.

Qətnaməyə fərqli rakursdan, obyektiv yanaşmaq üçün həmin sənədin bəndlərinə diqqətlə nəzər yetirmək lazımdır.

Qətnamənin birinci bəndində göstərilir ki, bütün işğalçı qüvvələr Azərbaycanın Kəlbəcər rayonundan və Azərbaycanın digər işğal edilmiş ərazilərindən geri çəkilsin.

Birincisi, burada “bütün işğalçı qüvvələr” deyilərkən təkcə yerli erməni birləşmələri nəzərdə tutulmur, Paşinyan isə qətnamədəki bir sözdən yapışaraq Ermənistanı məsuliyyətdən kənarda saxlamağı hədəfləyir, ancaq o məqsədinə nail olmur.

İndi isə BMT Təhlükəsizlik Şurasının 853 saylı qətnaməsinə baxaq. Bu sənədi də 822 saylı qətnamənin davamı hesab etmək olar.

Bu sənəddə də 822 saylı qətnamənin bəndləri təkrar olunur – amma Ağdamın işğalı kontekstində.

Gələk 874 saylı qətnaməyə. Qətnamədə sülhyaratma üçün çağırışlar edilir, bir daha Azərbaycanın ərazilərinin işğalda olduğu vurğulanır.

884 saylı qətnamədə də Dağlıq Qarabağ və ətraf rayonlar Azərbaycanın ərazisi kimi göstərilib.

Qətnamədə Zəngilan rayonu və Horadiz şəhərinin zəbti, mülki əhaliyə hücum və Azərbaycan Respublikası ərazisinin atəşə tutulması pislənilir.

Qətnamədə, ümumiyyətlə, atəşkəs hallarının pozulması pislənilir, amma sənəddə Azərbaycana qarşı hər hansı ittiham yer almayıb.

Paşinyan isə “Hard talk”da çətin durumdan çıxmaq üçün çabalayarkən qətnamələrin mahiyyətini fərqli formada çatdırmağa cəhd edir.

884 saylı qətnamədə Ermənistanın üzərinə konkret məsuliyyət qoyulur.

Tələb olunur ki, Ermənistan hökuməti Azərbaycan Respublikasının Dağlıq Qarabağ bölgəsi ermənilərinə öz təsir imkanlarından istifadə etməlidir.

Paşinyanın məlum qətnamələrin məzmunundan kontektsdən çıxarılmış məna ilə manipulyasiyaya getməsi yalnız Ermənistanın işğalçı siyasətini ört-basdır etməyə və beynəlxalq ictimaiyyəti aldatmağa hesablanıb.

Paşinyan onu da demir ki, həmin qətnamələrin hamısında Azərbaycanın ərazi bütövlüyünə, suverenliyinə dəstək ifadə olunub.

Son xəbərlər

Zaxarova: "Rusiya-Ermənistan münasibətlərinin pozulmasına çox cəhdlər olub"

Universitetlərə qəbul planının sayı açıqlandı

Azərbaycan-Misir münasibətləri qədim tarixi köklər əsasında inkişaf edib.

Fransa müxalifətindən Makrona qarşı BİRLİK ÇAĞIRIŞI

Azərbaycan-Misir münasibətləri inkişafının yeni mərhələsinə qədəm qoyub

Azərbaycan və Türkiyə prezidentləri Ankaranın Esenboğa Hava Limanında görüşüblər

Misirin dəstəyi ilə Azərbaycan dörd il ərzində Qoşulmama Hərəkatına sədrlik etmişdir

İlham Əliyev: "Macarıstan Avropa İttifaqındakı bir nömrəli tərəfdaşımızdır"

ABŞ-Azərbaycan: Ağ Ev "təmas xətti"ni dəyişmək istəyir

İraq və Suriyanın şimalında 16 PKK terrorçusu zərərsizləşdirilib

Hikmət Hacıyev mina qurbanlarının son sayını açıqlayıb

Makron Rusiyaya hərbi zərbələri dəstəklədi

G7 İrana çağırış etdi

Milli Məclis İlham Əliyev və Mehriban Əliyevanı Müstəqillik Günü münasibətilə təbrik edib

Makron Yeni Kaledoniyaya səfər edib

İlham Əliyevin Emoməli Rəhmon ilə təkbətək görüşü başlayıb

Azərbaycan nefti ucuzlaşıb

Prezident İlham Əliyev Volodimir Zelenski ilə regional təhlükəsizlik məsələlərini müzakirə edib

Notarius Daxil Kərimovun fırıldaqlarını kim ifşa edəcək?

Rəisinin ölümü Xameneinin oğluna yol açdı

İlham Əliyev Rəisinin ölümü ilə bağlı başsağlığı verdi

Tehranda təhlükəsizlik səviyyəsi artırılır

İranın vitse-prezidenti Rəisinin helikopterinin qəzaya uğradığı yerə gedib

Rusiya Ukraynada yaşayış məntəqəsində nəzarəti ələ alıb

Azərbaycan və Belarus prezidentləri Şuşada birgə nahar ediblər

Belarus Prezidenti Aleksandr Lukaşenko ulu öndər Heydər Əliyevin məzarını ziyarət edib

Ceyhun Bayramov Belarusun xarici işlər naziri ilə görüşüb - FOTO

Estoniya hökuməti Ukraynaya qoşun göndərəcək?

Rusiya sərhədçiləri Zəngəzurda keçid məntəqələrini bağlayırlar

İlham Əliyev şuşalılarla görüşdə şəhərdəki tarixi abidələrin bərpasından danışıb

Ulu öndər Heydər Əliyevin anadan olmasının 101-ci ildönümüdür

Peskov: “Rusiya sərhədçiləri Ermənistan-Türkiyə və Ermənistan-İran sərhədində qalacaqlar”

İlham Əliyev və Mehriban Əliyeva Həzi Aslanovun məzarını ziyarət ediblər - FOTO

Bütün xəbərlər