Tural Orucov: “Avtobuslarımız Gürcüstan-Azərbaycan sərhədində vətəndaşlarımızı gözləyir” - FOTO

“Türkiyədə baş vermiş zəlzələ ilə əlaqədar Azərbaycan vətəndaşlarının təxliyə prosesi davam etdirilir”.

Bunu jurnalistlərə açıqlamasında Azərbaycan Yerüstü Nəqliyyat Agentliyinin (AYNA) mətbuat katibi Tural Orucov deyib.

Onun sözlərinə görə, AYNA-nın ehtiyat avtobusları ilə vətəndaşlarımız ödənişsiz şəkildə Bakı Beynəlxalq Avtovağzal Kompleksinə çatdırılırlar:

“Bu, yeddinci reys idi. İndiyə qədər 310 vətəndaşımız Bakıya çatdırılıb. Hazırda daha bir avtobusumuz yoldadır, onunla 20 nəfər gətirilir. Ehtiyat avtobuslarımız Gürcüstan-Azərbaycan sərhədində vətəndaşlarımızı gözləyir. Təxliyə olunanlar içərisində yaralılar yoxdur”.