“Rusiya Ukraynaya jest edib”.

“Report” TASS-a istinadən xəbər verir ki, bunu Rusiya Prezidentinin sözçüsü Dmitri Peskov El-se-i telekanalına müsahibəsində deyib.

“Biz danışıqlar zamanı əlverişli şərait yaratmaq üçün xoşməramlı addım atdıq. Müzakirələr zamanı ciddi qərarlar qəbul edilə bilər. Buna görə Prezident Vladimir Putin qoşunların Ukraynanın şimalından çıxarılması barədə əmr verdi”, - o bildirib.

D.Peskov, həmçinin Ukraynanın Buça şəhərində törədilən qətliamlarla bağlı iddiaları rədd edib. O deyib ki, Rusiyanın məqsədi Ukraynanın işğalı deyil.