Lozannadakı İdman Arbitraj Məhkəməsi (CAS) 2 il ərzində nazirlər və hökumət üzvləri də olmaqla Rusiya hakimiyyəti nümayəndələrinə Olimpiya Oyunları və Paralimpiya Oyunlarını ziyarət etməyi qadağan edib.

Bu barədə “Ren TV” məlumat yayıb.

Bundan əlavə RUSADA (Rusiyanın antidopinq agentliyi) WADA-ya (Ümumdünya Antidopinq Agentliyi) 2019-cu ilin yanvarından bu yana qurumun çəkdiyi xərclərin konpensasiyası üçün 1 milyon 270 min dollar ödəyəcək.

Qeyd olunur ki, Rusiya hökuməti nümayəndələri müxtəlif idman növləri üzrə dünya çempionatlarına akkreditasiya əldə edə bilməyəcək, həmçinin sözügedən tədbirləri ziyarət edə bilməyəcəklər. Məhdudiyyətlər Beynəlxalq Olimpiya Komitəsinin heyətinə daxil olan və ya idmançı-iştirakçı olan şəxslərə aid edilməyəcək.