“Siz haradan bilirsiniz ki, biz işğaldan öncə orada təlim keçirməmişik?”

Bu sözləri Baku TV-yə müsahibəsində İranın Azərbaycandakı səfiri Seyid Abbas Musəvi jurnalistin Azərbaycanla sərhəd ərazilərdə İranın keçirdiyi təlimlərlə bağlı sualına cavab verərkən deyib.

O bildirib ki, keçirilən hərbi təlimləri mediaya açıqlamırlar:

“Bütün hərbi təlimləri bildirmirik. Qeyd edim ki, keçirdiyimiz hərbi təlimlər də birgə gücümüzün ifadəsidir. Biz məsələyə olduğu kimi yanaşmalıyıq. Fərqli-fərqli, bəzən ağlabatmayan fikirlər səsləndirən analitiklərlə bu məsələyə yanaşsaq, çox çətinliklər çəkə bilərik. İran İslam Respublikasının hərbi gücü bütün dost və qonşu ölkələrin xidmətindədir, başda da müsəlman ölkələrinin”.