Dəniz obyektlərində çalışan neftçilərin karantində olan birinci qrupunun COVİD-19 infeksiyasına qarşı peyvənd olunmasına artıq başlanılıb.
Bu barədə Azərbaycan Dövlət Neft Şirkəti (SOCAR) məlumat yayıb.
Bildirilib ki, bu qrupdan olan SOCAR əməkçiləri dənizdəki iş yerlərinə karantin müddətini tam keçdikdən sonra göndəriləcək, iş növbəsini başa vurub qayıtdıqdan sonra isə vaksinasiya qaydalarına uyğun olaraq, ikinci dəfə peyvənd olunacaqlar. Vaksinasiyadan keçmiş və ya COVİD-19 infeksiyasına yoluxaraq orqanizmlərində anticism yaranmış işçilərin isə karantində saxlanılmadan birbaşa işə cəlb ediləcəyi nəzərdə tutulur. Hazırlanmış plana əsasən, bütün dəniz neftçilərinin qısa müddətdə və mütəşəkkil qaydada peyvənd olunmaları üçün qrafik tutulmuş, zəruri tədbirlər görülüb.
Xatırladaq ki, pandemiya müddətində neft və qaz hasilatının davamlılığının təmin edilməsi və dəniz obyektlərində çalışan işçi heyətin infeksiyaya yoluxmasının qarşısının alınması məqsədi ilə növbəli iş rejimində çalışan personal indiyə qədər növbədən əvvəl karantin zonasında COVİD-19 testindən keçirilir və 7 gün ərzində həmin zonada yaşamalı olurdu. Yalnız təkrar test nəticəsində infeksiyaya yoluxmadıqları təsdiq olunduqdan sonra onlar dəniz obyektlərinə göndərilirdilər. Pandemiyanın yayılmasının qarşısının alınması tədbirləri çərçivəsində ölkəmizin bütün aparıcı şirkət və müəssisələri kimi SOCAR da xüsusi iş rejiminə keçmiş, dəniz obyektlərində ənənəvi şəkildə tətbiq olunan 15 günlük iş növbəsinin 30 günədək uzadılması məqsədəuyğun sayılmışdı. Lakin iş və istirahət günlərinin illik sayı dəyişməz qalsa da, bu iş rejimi və dəniz neftçilərinin karantində keçirməli olduğu əlavə günlər onlar üçün əlavə psixoloji və sosial gərginlik yaradırdı. Bu zaman işin təşkili baxımından müəyyən çətinliklər yaranır, əlavə vəsait və resurslar sərf olunurdu. Odur ki, 30 günlük iş rejimindən ənənəvi rejimə keçirilməsi imkanları daim araşdırılırdı.
Prezident İlham Əliyev cənablarının gərgin səyləri nəticəsində respublikamızda vaksinasiya proseslərinə dünyanın aparıcı ölkələri ilə eyni vaxtda başlanılması əhalinin bütün təbəqələrində böyük ruh yüksəkliyi yaradıb, dərin minnətdarlıq hissi ilə qarşılanıb. Ölkəmizdə vaksinasiya prosesinin belə tezliklə start götürməsi SOCAR-ın dəniz obyektlərində ənənəvi növbəlilik rejiminin bərpa olunması üçün də əlverişli imkan yaradıb. Yaranmış imkanı yüksək dəyərləndirən SOCAR rəhbərliyi dəniz neftçilərinin ilk növbədə peyvənd olunması xahişi ilə Nazirlər Kabineti yanında Operativ Qərargaha müraciət edib, bu müraciət müsbət cavablandırılıb.
SOCAR-ın dəniz obyektlərində 10 mindən çox işçi fəaliyyət göstərir.
İqtisadiyyat
Dəniz obyektlərində çalışan neftçilərin peyvənd olunmasına başlanılıb
Siyasət
Ölsəniz belə, sülh olacaq - Ararat Mirzoyan
Siyasət
Almaniyanın xarici işlər naziri Ermənistana gedib
Son xəbərlər
Dövlət qulluğu imtahanlarında dəyişiklik: İki fənn ləğv edilir, yenisi əlavə olunur
Siyasət
Tramp Çində səfərdədir
İqtisadiyyat
Azərbaycanda bu rüsum ləğv edilir
Siyasət
Şimali Koreya hakimiyyəti Trampın məktublarını qəbul etməyib
Siyasət
Ukrayna üçün 10 milyard ayrılıb - Rutte
Son xəbərlər
İlham Əliyev fərman imzaladı
İqtisadiyyat
Azərbaycanda siqaret bahalaşa bilər - Qiymət və tarix açıqlandı
Texnologiya
İran Fransadakı kiberhücuma görə İsraili ittiham etdi
Texnologiya
Tramp Putin və Cinpinlə danışacağı mövzuları açıqladı
İqtisadiyyat
Hökumət üzvləri Milli Məclisdə
Siyasət
Azərbaycan nümayəndələri Ermənistana gedəcək
Hadisə
Hörmüzdə daha bir tanker minaya düşdü
Siyasət