﻿<?xml version="1.0" encoding="UTF-8"?>
<rss version="2.0" xmlns:content="http://purl.org/rss/1.0/modules/content/" xmlns:dc="http://purl.org/dc/elements/1.1/" xmlns:media="http://search.yahoo.com/mrss/" xmlns:atom="http://www.w3.org/2005/Atom" xmlns:georss="http://www.georss.org/georss">
<channel>
<title>İnterxəbər.Az</title>
<link>https://interxeber.az/</link>
<language></language><item>
<title>Tarix yazırıq, Ukraynanı da müzakirə edəcəyik</title>
<link>https://interxeber.az/siyaset/6273-tarix-yaziriq-ukraynani-da-muzakire-edeceyik.html</link>
<pdalink>https://interxeber.az/siyaset/6273-tarix-yaziriq-ukraynani-da-muzakire-edeceyik.html</pdalink>
<guid>6273</guid>
<pubDate>Thu, 19 Nov 2026 15:06:07 +0400</pubDate>
<category>native-yes</category>

<content:encoded><![CDATA[Biz tarix yazırıq. Üçümüzün müzakirə edəcəyimiz məsələlər var və artıq çox şey müzakirə etmişik.<br /><br />Bunu ABŞ Prezidenti Donald Tramp Şençjen şəhərində Çin və Rusiya liderləri ilə keçirdiyi üçtərəfli görüşdə deyib.<br /><br />Tramp çıxışında Ukrayna məsələsinin üçtərəfli sammitdə müzakirə olunmasını təklif edib:<br /><br />“Hər kəs Ukrayna münaqişəsinə son qoyulmasında maraqlıdır”.]]></content:encoded>
</item><item>
<title>Prezident İlham Əliyev Vyetnam Xəbər Agentliyinə müsahibə verib</title>
<link>https://interxeber.az/musahibe/6272-prezident-ilham-eliyev-vyetnam-xeber-agentliyine-musahibe-verib.html</link>
<pdalink>https://interxeber.az/musahibe/6272-prezident-ilham-eliyev-vyetnam-xeber-agentliyine-musahibe-verib.html</pdalink>
<guid>6272</guid>
<pubDate>Thu, 19 Nov 2026 13:41:46 +0400</pubDate>
<category>native-yes</category>

<content:encoded><![CDATA[Azərbaycan Respublikasının Prezidenti İlham Əliyev Vyetnam Xəbər Agentliyinə (VNA) müsahibə verib.<br /><br />İNTERXƏBƏR AZƏRTAC-a istinadən müsahibəni təqdim edir.<br /><br />- Hörmətli cənab Prezident, ikitərəfli əməkdaşlığın tarixində yeni mərhələnin başlanması ilə əlamətdar olacaq Vyetnama qarşıdakı rəsmi səfəriniz ərəfəsində Siz Azərbaycan ilə Vyetnam arasında siyasi dialoqun hazırkı vəziyyətini necə xarakterizə edərdiniz?<br /><br />- Azərbaycan-Vyetnam münasibətlərinin təxminən yetmişillik tarixindən bəhs edərkən, hər şeydən əvvəl, bu dostluğun köklərinə qayıtmaq və onun əsasını qoymuş iki böyük lideri səmimi minnətdarlıq hissi ilə xatırlamaq istəyirəm.<br /><br />Sözsüz ki, başlanğıc nöqtəsi 1959-cu ildə Vyetnam Demokratik Respublikasının Prezidenti Ho Şi Minin Bakıya unudulmaz səfəri idi. 1983-cü il əsl sıçrayışla əlamətdar oldu. Həmin vaxt Sov. İKP MK Siyasi Bürosunun üzvü, SSRİ Nazirlər Soveti Sədrinin birinci müavini Heydər Əliyevin başçılığı ilə sovet nümayəndə heyəti Vyetnama səfər etdi. Azərbaycan xalqının Ümummilli Liderinin təşəbbüsü ilə bu səfərin müddəti səkkiz günə qədər uzadıldı və ölkənin əsas regionlarını əhatə etdi. Həmin vaxt əldə olunan razılaşmalar Vyetnam iqtisadiyyatının inkişafına güclü təkan verdi və çoxillik əməkdaşlığın istiqamətini müəyyənləşdirdi.<br /><br />Möhkəm, zamanın sınaqlarından çıxmış dostluğa əsaslanaraq, biz əlaqələrin gücləndirilməsini və qarşılıqlı faydalı tərəfdaşlığın genişləndirilməsini ardıcıl şəkildə davam etdirdik. 2014-cü ildə mənim Vyetnama ilk dövlət səfərim baş tutdu, artıq 2015-ci ilin mayında isə Vyetnam Sosialist Respublikasının Prezidenti cənab Çıonq Tan Şanq Azərbaycana cavab səfəri etdi.<br /><br />Keçən ilin mayında Vyetnam Kommunist Partiyası Mərkəzi Komitəsinin Baş katibi cənab To Lamın Azərbaycana ilk dövlət səfəri dövlətlərarası münasibətlərimizdə yeni fəsil açdı. Aparılan konstruktiv danışıqlar energetika və investisiyalardan müdafiə və kibertəhlükəsizliyə qədər istiqamətlərin geniş spektrini əhatə etdi. Strateji tərəfdaşlıq haqqında Birgə Bəyanatın - Azərbaycan-Vyetnam əlaqələrini keyfiyyətcə yeni səviyyəyə qaldıran mühüm sənədin qəbul edilməsi məntiqi nəticə oldu. Bu səfər tərəfdaşlığın dərinləşdirilməsi və onun praktiki məzmunla zənginləşdirilməsi üzrə qarşılıqlı marağı bir daha nümayiş etdirdi.<br /><br />Dövlət başçılarının siyasi təmasları ilə paralel olaraq, hökumətlərarası komissiyaların, müvafiq idarələrin, həmçinin parlamentlərarası dostluq qruplarının xətti ilə səmərəli dialoq aparılır. Bundan əlavə, iki ölkənin hakim partiyaları - Yeni Azərbaycan Partiyası və Vyetnam Kommunist Partiyası arasında sıx əməkdaşlıq inkişaf edir.<br /><br />Ölkələrimiz arasında ikitərəfli dialoq ilə yanaşı, beynəlxalq platformalarda, xüsusilə BMT, Qoşulmama Hərəkatı, AQEM və digər beynəlxalq təşkilatlar çərçivəsində də sıx qarşılıqlı əlaqə qurulub.<br /><br />Azərbaycan ərazi bütövlüyü, ölkəmizin suverenliyi və onun beynəlxalq səviyyədə tanınmış sərhədlərinin toxunulmazlığı məsələsində göstərilən dəstəyə, həmçinin 44 günlük Vətən müharibəsi dövründə BMT Təhlükəsizlik Şurasının qeyri-daimi üzvü kimi möhkəm və ədalətli mövqeyinə görə Vyetnama dərindən minnətdardır.<br /><br />Sözsüz ki, bütün bunlar Bakı ilə Hanoy arasında çoxillik siyasi dialoqun bərabərhüquqluluq və qarşılıqlı maraqların nəzərə alınması əsasında dayanıqlı şəkildə dərinləşməsini göstərir.<br /><br />- İqtisadi-ticari münasibətlərin əsas nəticələri, istiqamətləri və inkişaf potensialı hansılardır?<br /><br />- Azərbaycan-Vyetnam iqtisadi-ticari əlaqələri ardıcıl şəkildə inkişaf edir. 2025-ci ilin yekunlarına görə, iki ölkə arasında ticarət dövriyyəsi 150 milyon dollardan artıq olub. Bununla yanaşı, bu göstərici hələ ki, real imkanları əks etdirmir: hər iki tərəf qarşılıqlı ticarətdə əhəmiyyətli artım üçün böyük potensiala malikdir.<br /><br />Sovet İttifaqı dövründən bəri tarixən tərəfdaşlığımızın təməlini təşkil edən neft sektoru qarşılıqlı fəaliyyətin əsas istiqaməti statusunu qoruyub saxlayır. Bu kontekstdə Azərbaycan Respublikası Dövlət Neft Şirkəti (SOCAR) ilə Vyetnam Milli Neft və Qaz Şirkəti (PetroVietnam) arasında əlaqələrin dərinləşdirilməsi xüsusi əhəmiyyət kəsb edir. 2025-ci ildə imzalanmış Anlaşma Memorandumu neft-qaz yataqlarının kəşfiyyatı və işlənilməsi, texniki xidmətlər və mütəxəssis hazırlığı kimi sahələrdə əməkdaşlığı nəzərdə tutur.<br /><br />Vyetnam biznesinin Azərbaycan iqtisadiyyatında iştirakı da ikitərəfli münasibətlərin mühüm tərkib hissəsidir. Tikinti və infrastrukturun inkişafı, həmçinin Günəş və külək enerjisi sahələrində layihələrin həyata keçirilməsində maraqlı olduğunu bildirən "ROX Group" bunun bariz nümunəsidir. 2026-cı ilin sentyabrında Bakıda keçirilən İkinci Azərbaycan Beynəlxalq İnvestisiya Forumu çərçivəsində "ROX Group" ilə müvafiq sənədlər imzalanıb.<br /><br />Tranzit daşımaları sahəsində də müsbət dinamika müşahidə olunur. 2026-cı ilin yanvar-sentyabr aylarında bu daşımaların həcmi 2025-ci ilin eyni dövrü ilə müqayisədə təxminən altı dəfə artıb və 8 min tondan çox olub.<br /><br />Azərbaycanın nəqliyyat və logistika infrastrukturundan Orta Dəhliz və "Şimal-Cənub" nəqliyyat dəhlizi vasitəsilə Vyetnamdan Avropaya və əks istiqamətdə yüklərin daşınması üçün səmərəli şəkildə istifadə etmək olar. Bu, ölkəmizin beynəlxalq nəqliyyat dəhlizlərində rolunu gücləndirməklə yanaşı, əlavə iqtisadi dəyər və əməkdaşlıq üçün yeni imkanlar yaradılmasına və ikitərəfli əlaqələrin genişlənməsinə sanballı töhfə verəcək.<br /><br />Ölkələrimiz ticarət dövriyyəsini əhəmiyyətli dərəcədə artırmaq və enerji, sənaye, kənd təsərrüfatı, nəqliyyat-logistika sektorlarında - bir sözlə, demək olar ki, bütün aparıcı sahələrdə genişmiqyaslı birgə təşəbbüsləri uğurla həyata keçirmək üçün kifayət qədər resurslara malikdir. Əminəm ki, planauyğun birgə iş ən qısa müddətdə əhəmiyyətli praktik nəticələr əldə etməyə imkan verəcək.<br /><br />- Humanitar, təhsil və mədəni əlaqələr ölkələrimizin bir-birinə yaxınlaşmasında hansı rol oynayır və bu prosesə hansı təşəbbüslər imkan yaradır?<br /><br />- Humanitar əməkdaşlıq xalqlarımızı və dövlətlərimizi birləşdirən möhkəm körpü rolunu oynayır. Onilliklər ərzində bu əlaqələr təhsil təşəbbüsləri, xeyriyyə layihələri və müntəzəm mədəni mübadilə vasitəsilə davamlı olaraq möhkəmləndirilib.<br /><br />Heydər Əliyev Fondu bu prosesdə xüsusi rola malikdir və Vyetnamla humanitar münasibətlərin dərinləşməsinə fəal surətdə kömək edir. Fondun fəaliyyət istiqamətləri Ha Giang əyalətində ibtidai məktəbin tikintisi də daxil olmaqla infrastruktur təşəbbüslərindən tutmuş müxtəlif təhsil proqramlarının dəstəklənməsinə qədər geniş spektri əhatə edir.<br /><br />Fondun vitse-prezidenti Leyla Əliyevanın 2025-ci ildə Vyetnama səfəri bu əlaqələrin möhkəmləndirilməsində mühüm addım olub. Səfər zamanı ölkə rəhbərləri, yaradıcı ziyalıların nümayəndələri və Azərbaycan universitetlərinin vyetnamlı məzunları ilə görüşlər keçirilib. Hanoy Ticarət və Turizm Kollecinə də maliyyə dəstəyi göstərilib.<br /><br />Xeyriyyəçiliklə yanaşı, elm və təhsil əməkdaşlığı da dinamik şəkildə inkişaf edir. Hər iki ölkənin aparıcı universitetləri bir sıra tərəfdaşlıq müqavilələri və memorandumlar imzalayıb. Vyetnam nümayəndələri Qoşulmama Hərəkatına üzv dövlətlərin vətəndaşları üçün mənim sərəncamıma uyğun olaraq yaradılmış təhsil qrant proqramlarında iştirak etmək imkanına malikdirlər.<br /><br />Sevindirici haldır ki, bu akademik əlaqələr zəngin tarixi ənənələrə əsaslanır: hətta sovet dövründə belə, təxminən 5 min Vyetnam vətəndaşı Azərbaycanda təhsil alıb və sonradan əldə etdikləri bilik və təcrübəni vətənlərinin rifahı naminə uğurla tətbiq edib. İki ölkə arasında uzunmüddətli dostluğun rəmzi 2025-ci ildə Vyetnam Kommunist Partiyası Mərkəzi Komitəsinin Baş katibi cənab To Lamın iştirakı ilə Azərbaycan Dövlət Neft və Sənaye Universitetində Ho Şi Minin Memorial otağının açılışı olub. Həmin açılış bu görkəmli dövlət xadiminin anadan olmasının 135-ci ildönümünə təsadüf edib.<br /><br />Qarşılıqlı mədəni fəaliyyət təhsil əlaqələrini ahəngdar şəkildə tamamlayır. Azərbaycanda ənənəvi olaraq Vyetnam Günləri keçirilir. 2026-cı ildə bu təşəbbüs keyfiyyətcə yeni səviyyəyə çatdı: dördüncü festival ilk dəfə olaraq iki şəhəri - Bakı və Qəbələni əhatə etdi. Digər əhəmiyyətli mədəni hadisə isə məşhur vyetnamlı şair Mai Van Phanın "Gün doğarkən" şeirlər toplusunun Azərbaycanda nəşr edilməsi oldu.<br /><br />Ümumilikdə, xalqlarımız arasında mədəni dialoq on illərdir davam edir. Hələ 1955-ci ildə bəstəkar Qara Qarayev ilk Sovet-Vyetnam sənədli filmi üçün "Vyetnam süitası"nı yaradıb. Bu yaradıcı əlaqələr sonradan rejissor Əjdər İbrahimov tərəfindən daha da möhkəmləndirilib. O, 1959-cu ildən 1962-ci ilə qədər Vyetnamda yaşayıb və çalışıb, milli kino məktəbinin ön sıralarında olub, yerli rejissorların və aktyorların yetişdirilməsinə kömək göstərib və ölkənizə bir neçə kitab həsr edib. Onlardan biri - "Vyetnamda gördüklərim" Vyetnam dilinə tərcümə edilib, bu kitabın təqdimatı isə bu il Hanoyda keçirilib.<br /><br />Möhkəm dostluq bağları təkcə birgə layihələrdə deyil, həm də çətin anlarda köməyə gəlməyə hazır olmaqda özünü göstərir. 2024-cü ildə Vyetnamda baş verən "Yaqi" fırtınasının dağıdıcı nəticələrini aradan qaldırmaq, həmçinin 2025-ci ildə genişmiqyaslı daşqınların vurduğu ziyanın öhdəsindən gəlmək üçün Azərbaycan maliyyə yardımı göstərib.<br /><br />- Vyetnama qarşıdakı səfərinizdən gözləntiləriniz nələrdir?<br /><br />- Dost Vyetnama səfərimi səbirsizliklə gözləyirəm. Əminəm ki, bu, Azərbaycan və Vyetnam arasında qarşılıqlı faydalı tərəfdaşlığın dərinləşdirilməsində daha bir mühüm addım olacaq.<br /><br />Bu gün Vyetnam Cənub-Şərqi Asiyada dinamik inkişaf edən ölkədir, Azərbaycan isə Cənubi Qafqazda əsas logistika və energetika habıdır. Qüvvələrimizi birləşdirərək yeni bazarlara çıxa, birgə layihələr həyata keçirə, biznes və investisiya üçün əlavə imkanlar yarada bilərik. Sözsüz ki, əməkdaşlığımız ölkələrimizə və xalqlarımıza nəzərəçarpan fayda gətirə biləcək böyük quruculuq potensialına malikdir.]]></content:encoded>
</item><item>
<title>Azad olunan bu kəndlərə köç karvanları yola salındı</title>
<link>https://interxeber.az/son/6271-azad-olunan-bu-kendlere-koch-karvanlari-yola-salindi.html</link>
<pdalink>https://interxeber.az/son/6271-azad-olunan-bu-kendlere-koch-karvanlari-yola-salindi.html</pdalink>
<guid>6271</guid>
<pubDate>Thu, 19 Nov 2026 09:20:10 +0400</pubDate>
<category>native-yes</category>

<content:encoded><![CDATA[Prezident İlham Əliyevin tapşırığına uyğun olaraq işğaldan azad edilmiş ərazilərə Böyük Qayıdış çərçivəsində Cəbrayıl rayonunun Soltanlı və Zəngilan rayonunun Cahangirbəyli kəndlərinə növbəti köç karvanı yola salınıb.<br /><br />Bu mərhələdə Soltanlı kəndinə 16 ailə (80 nəfər), Cahangirbəyli kəndinə isə 19 ailə (75 nəfər) köçürülür.<br />]]></content:encoded>
</item><item>
<title>Rəsmi Bakıdan Fransaya etiraz: &quot;Azərbaycanın daxili işlərinə müdaxilədən çəkinin&quot;</title>
<link>https://interxeber.az/siyaset/6270-resmi-bakidan-fransaya-etiraz-azerbaycanin-daxili-ishlerine-mudaxileden-chekinin.html</link>
<pdalink>https://interxeber.az/siyaset/6270-resmi-bakidan-fransaya-etiraz-azerbaycanin-daxili-ishlerine-mudaxileden-chekinin.html</pdalink>
<guid>6270</guid>
<pubDate>Thu, 19 Nov 2026 08:34:06 +0400</pubDate>
<category>native-yes</category>

<content:encoded><![CDATA["Fransanın Avropa və Xarici İşlər Nazirliyinin (XİN) və xarici ticarət və iqtisadi cəlbedicilik məsələləri üzrə səlahiyyətli nazirin Azərbaycan-Ermənistan normallaşma prosesi ilə bağlı son iddiaları tamamilə qəbuledilməzdir".<br /><br /> Azərbaycan XİN-in mətbuat katibi Ayxan Hacızadə Fransanın Avropa və Xarici İşlər Nazirliyində xarici ticarət və iqtisadi cəlbedicilik məsələləri üzrə səlahiyyətli nazir Nikola Forissyenin və Fransa Avropa və Xarici İşlər Nazirliyinin fransalı deputatın suallarına cavablarında ölkəmizə qarşı səsləndirdikləri iddialara dair şərhi edərkən bildirib.<br /><br />A.Hacızadə bildirib ki, Fransanın nümayiş etdirdiyi selektiv yanaşma, birtərəfli qiymətləndirmələri və siyasi motivli narrativlərə əsaslanmaqda davam etməsi regionda sülh gündəliyinin irəliləməsinə xidmət etmir:<br /><br />"2023-cü ilin sentyabr ayında Azərbaycanın həyata keçirdiyi antiterror tədbirləri Ermənistan silahlı qüvvələrinin və onlara bağlı strukturların Azərbaycan Respublikasının suveren ərazilərində qanunsuz hərbi mövcudluğuna və fəaliyyətinə son qoyulmasına, ölkənin konstitusiya quruluşunun bərpa edilməsinə, suverenliyinin və ərazi bütövlüyünün təmin olunmasına yönəlmiş və BMT Nizamnaməsinin müvafiq müddəaları da daxil olmaqla, beynəlxalq hüquqa uyğun həyata keçirilib. Bu tədbirləri beynəlxalq hüququn pozulması kimi təqdim etmək cəhdləri, eyni zamanda, onilliklər ərzində davam etmiş işğalı, etnik təmizləməni və yüz minlərlə azərbaycanlının hüquqlarının sistematik şəkildə pozulmasını nəzərə alınmaması qəbuledilməzdir.<br /><br />Humanitar məsələlərə gəldikdə, Azərbaycan ölkədə məhkəmə araşdırmasına cəlb edilmiş və ya məhkum olunmuş şəxslərin "özbaşına həbs edilmiş" şəxslər kimi təqdim edilməsi cəhdlərini rədd edir. Məsuliyyətə cəlb edilən şəxslər arasında müharibə cinayətləri, insanlıq əleyhinə cinayətlər və terrorçuluq da daxil olmaqla, ağır cinayətlərdə ittiham olunan və məhkum edilmiş şəxslər vardır. Onların işlərinə Azərbaycanın milli qanunvericiliyi və müvafiq beynəlxalq öhdəlikləri çərçivəsində baxılıb. Xarici tərəflərin ağır müharibə cinayətlərinə görə məhkum edilmiş şəxslərin azad edilməsini tələb etmək cəhdləri hüququn aliliyi prinsipi ilə uzlaşmır.<br /><br />Azərbaycan mədəni və dini irsin dağıdılması və ya qəsdən dəyişdirilməsi ilə bağlı iddiaları qətiyyətlə rədd edir. İşğaldan azad edilmiş ərazilərdə mədəni irs abidələrinin qorunması və bərpası ölkəmizin davamlı prioritetləri sırasındadır. Eyni zamanda, Ermənistanın onilliklər boyu davam etmiş işğalı zamanı Azərbaycan xalqının mədəni və dini irsinə, o cümlədən məscidlərə, qəbiristanlıqlara və digər tarixi abidələrə qarşı törədilmiş genişmiqyaslı dağıntı və mənimsəmə hallarının diqqətdən kənarda saxlanılmaması vacibdir.<br /><br />Ermənistandan və Azərbaycanın keçmiş işğal olunmuş ərazilərində öz evlərindən zorla qovulmuş yüz minlərlə azərbaycanlının hüquqlarının, o cümlədən təhlükəsiz və ləyaqətli qayıdış hüququnun da eyni səviyyədə diqqətə alınmasının vacibliyini xatırladırıq. Humanitar məsələlərə selektiv yanaşma beynəlxalq hüquq və insan hüquqları ilə bağlı çağırışların etibarlılığını sarsıdır.<br /><br />Fransa hökumətinin özünün insan hüquqları və idarəçilik sahəsindəki vəziyyəti ilə bağlı ciddi narahatlıqları aradan qaldırmaq əvəzinə, digər dövlətlərin daxili işlərinə qiymət vermək mövqeyindən çıxış etməsi də diqqət çəkir. Fransa hüquq-mühafizə orqanları tərəfindən nümayişçilərə, o cümlədən yetkinlik yaşına çatmayan şəxslərə qarşı həddindən artıq güc tətbiqi dəfələrlə ciddi narahatlıqlara səbəb olub. Fransada tələbə etirazları zamanı ağır xəsarət alanların olması, habelə polis əməkdaşlarının qanunsuz hərəkətləri ilə bağlı çoxsaylı araşdırmaların başlanması bu narahatlıqları daha da artırır. Bundan əlavə, Fransa siyasi xadimləri, o cümlədən parlament üzvləri ilə bağlı davam edən məhkəmə prosesləri və korrupsiya araşdırmaları şəffaflıq, ictimai hesabatlılıq və dövlət institutlarının dürüstlüyü ilə bağlı əsaslı suallar doğurur. Fransa digər ölkələrə qarşı selektiv tənqid və siyasi motivli qiymətləndirmələrə yol vermək əvəzinə, ilk növbədə öz daxilindəki bu problemlərin həllinə diqqət yetirməlidir.<br /><br />Fransa hökumətini qərəzli yanaşmadan əl çəkməyə və Azərbaycanın daxili işlərinə müdaxilədən çəkinməyə çağırırıq".]]></content:encoded>
</item><item>
<title>Putinlə Trampın görüşü qısa olacaq - Kreml</title>
<link>https://interxeber.az/siyaset/6269-putinle-trampin-gorushu-qisa-olacaq-kreml.html</link>
<pdalink>https://interxeber.az/siyaset/6269-putinle-trampin-gorushu-qisa-olacaq-kreml.html</pdalink>
<guid>6269</guid>
<pubDate>Wed, 18 Nov 2026 22:56:01 +0400</pubDate>
<category>native-yes</category>

<content:encoded><![CDATA[Rusiya Prezidenti Vladimir Putinlə ABŞ Prezidenti Donald Tramp arasında keçiriləcək görüş uzun çəkməyəcək.<br /><br />Bu barədə Rusiya prezidentinin mətbuat katibi Dmitri Peskov məlumat verib.<br /><br />“Qısa söhbət edəcəklər. Görüşün nə qədər davam edəcəyi ilə bağlı təxmin yürütməyə ehtiyac yoxdur. Sabah hər şeyi açıqlayacağıq”, – deyə Peskov bildirib.<br /><br />İki ölkə lideri arasında tam formatlı görüşün keçirilməsinin mümkün olub-olmadığı barədə suala cavabında isə o, vaxt çatışmazlığı səbəbindən hələlik belə bir görüşün təşkilinin mümkün olmadığını söyləyib.<br /><br />Qeyd edək ki, bu gün Tramp, Putin və Szinpin arasında ayaqüstü görüş olub.]]></content:encoded>
</item><item>
<title>Ölsəniz belə, sülh olacaq - Ararat Mirzoyan</title>
<link>https://interxeber.az/siyaset/6268-olseniz-bele-sulh-olacaq-ararat-mirzoyan.html</link>
<pdalink>https://interxeber.az/siyaset/6268-olseniz-bele-sulh-olacaq-ararat-mirzoyan.html</pdalink>
<guid>6268</guid>
<pubDate>Wed, 18 Nov 2026 21:42:06 +0400</pubDate>
<category>native-yes</category>

<content:encoded><![CDATA[Qonşumuz olan bir ölkə ilə sülh yaratdıq və adətən münaqişələri olan qonşular arasında sülh yaranır. İndi bu sülhün sənədi, bəyanatları və paraflanmış yekun razılaşması var. İndi deyirik ki, sülhümüz varmı? Var. Tranzitimiz varmı? Var. İkitərəfli ticarətimiz varmı? Var. Sülhün möhkəmləndirilməsinə töhfə verən başqa şeylərimiz varmı? Var. İndi bu münaqişəni bağlamaq üçün son imzalanma, institusionalizasiya yolu ilə getməliyik ki, Ermənistanın uzunmüddətli sülh, inkişaf və rifah dövrünə başlaması mümkün olsun.<br /><br />Bu sözləri Ermənistan XİN rəhbəri Ararat Mirzoyan parlamentdə müxalif “Güclü Ermənistan” fraksiyasının deputatı Suzanna Avetisyan Bakıda həbsdə olan erməni əsilli separatçı-terrorçuların “geri istənilməsi” ilə bağlı sualına cavab olaraq deyib.<br /><br />“Münaqişə dövründən qalan amillər varmı? Bəli, əlbəttə ki, var. Bu, bir kliklə baş vermir, bu, həmin sülhü qurmaq üçün addım-addım səydir. Bəli, Bakıda saxlanılan insanlar var və bu, sülhə töhfə vermir, amma eyni zamanda, əgər biz gedib desək ki, bu məsələ həll olunana qədər sülh müqaviləsini imzalamayacağıq, sizcə, bu, bizi bütün məsələlərin yekun həllinə yaxınlaşdıracaqmı?” - o bildirib.<br /><br />Yeni konstitusiyanın qəbul edilməsi məsələsinə toxunan Ararat Mirzoyan vurğulayıb ki, Ermənistan qarşısında belə bir tələb qoyulmayıb.<br /><br />Avetisyan Ararat Mirzoyana gedib qurbanların qohumlarından sülh olub-olmadığını soruşmağı məsləhət görüb. Buna cavab olaraq Ararat Mirzoyan qeyd edib:<br /><br />“Yaxşı, sizə də məsləhət görərəm ki, gedib minlərlə hərbçinin ailə üzvləri ilə görüşüb sülh olub-olmadığını soruşasınız. Həmçinin sizə məsləhət görərəm ki, gedib Tavuş bölgəsinin sərhədyanı kəndlərinin sakinləri ilə görüşüb sülh olub-olmadığını öyrənəsiniz. Qorxuram ki, həqiqəti o qədər öyrənəcəksiniz ki, sonradan buraya gələndə nə deyəcəyinizi bilməyəcəksiniz.<br /><br />Bu həssas məsələləri daim manipulyasiya etməklə nəsə qazandığınızı düşünürsünüzmü? Cermuk haqqında məndən daha çox düşündüyünüzü düşünürsünüzmü? Çox yanılırsınız. Əsirlər haqqında məndən daha çox düşündüyünüzü düşünürsünüzmü? Vətənpərvərliyi necə ölçürsünüz? Sürətölçən, sayğac, tərəzi varmı? Yaxşı, onları çıxaraq, ölçək. Bəsdir, sülh olacaq. Ölsəniz belə, sülh olacaq”.]]></content:encoded>
</item><item>
<title>Almaniyanın xarici işlər naziri Ermənistana gedib</title>
<link>https://interxeber.az/siyaset/6267-almaniyanin-xarici-ishler-naziri-ermenistana-gedib.html</link>
<pdalink>https://interxeber.az/siyaset/6267-almaniyanin-xarici-ishler-naziri-ermenistana-gedib.html</pdalink>
<guid>6267</guid>
<pubDate>Wed, 18 Nov 2026 14:30:06 +0400</pubDate>
<category>native-yes</category>

<content:encoded><![CDATA[Almaniyanın xarici işlər naziri Yohann Vadefulun Bakından İrəvana uçan təyyarəsi Gürcüstanın hava məkanından keçib.<br /><br />Bu barədə "Sputnik-Armenia" məlumat yayıb.<br /><br />Məlumata görə, nazirin olduğu Almaniya Hərbi Hava Qüvvələrinə məxsus Airbus A350-900 tipli təyyarənin uçuş marşrutu Flightradar24 platformasının məlumatlarında əks olunub.<br /><br />Qeyd edək ki, Yohann Vadeful noyabrın 17-18-də Azərbaycanda səfərdə olub. O, bu gün İrəvana gedərək Ermənistan rəhbərliyi ilə görüşəcək.]]></content:encoded>
</item><item>
<title>Dövlət qulluğu imtahanlarında dəyişiklik: İki fənn ləğv edilir, yenisi əlavə olunur</title>
<link>https://interxeber.az/son/6266-dovlet-qullugu-imtahanlarinda-deyishiklik-iki-fenn-legv-edilir-yenisi-elave-olunur.html</link>
<pdalink>https://interxeber.az/son/6266-dovlet-qullugu-imtahanlarinda-deyishiklik-iki-fenn-legv-edilir-yenisi-elave-olunur.html</pdalink>
<guid>6266</guid>
<pubDate>Wed, 18 Nov 2026 14:27:36 +0400</pubDate>
<category>native-yes</category>

<content:encoded><![CDATA[Dövlət qulluğuna qəbul üzrə test imtahanı mərhələsinin strukturunda mühüm dəyişikliklərin ediləcəyi gözlənilir.<br /><br />Mövcud imtahan proqramında yer alan informatika və Azərbaycan dili fənləri ləğv olunur. Onların əvəzinə imtahan siyahısına emosional intellekt fənni əlavə ediləcək.<br /><br />Yeni imtahan modeli və sual bölgüsündən sonra namizədlərə ümumilikdə 100 test tapşırığı təqdim olunacaq. Fənlər üzrə sualların yeni bölgüsü aşağıdakı kimi nəzərdə tutulur:<br /><br />Qanunvericilik: 50 sual<br /><br />Məntiq: 30 sual<br /><br />Emosional intellekt: 20 sual<br /><br />Xatırladaq ki, hazırkı qaydalara əsasən namizədlər qanunvericilik (40), məntiq (30), informatika (15) və Azərbaycan dili (15) fənləri üzrə imtahan verirlər. Yeni sistemin tətbiqi ilə namizədlərin hüquqi bilikləri ilə yanaşı, psixoloji hazırlıq səviyyəsinin də qiymətləndirilməsi hədəflənir.]]></content:encoded>
</item><item>
<title>Tramp Çində səfərdədir</title>
<link>https://interxeber.az/siyaset/6265-tramp-chinde-seferdedir.html</link>
<pdalink>https://interxeber.az/siyaset/6265-tramp-chinde-seferdedir.html</pdalink>
<guid>6265</guid>
<pubDate>Wed, 18 Nov 2026 13:26:46 +0400</pubDate>
<category>native-yes</category>

<content:encoded><![CDATA[ABŞ Prezidenti Donald Tramp Asiya-Sakit Okean İqtisadi Əməkdaşlıq Təşkilatının (APEC) 33-cü zirvə toplantısında iştirak etmək üçün Çinin Şencen şəhərinə gəlib.<br /><br />Bu Donald Trampın cari ildə Çinə 2-ci səfəridir.]]></content:encoded>
</item><item>
<title>Azərbaycanda bu rüsum ləğv edilir</title>
<link>https://interxeber.az/iqtisadiyyat/6264-azerbaycanda-bu-rusum-legv-edilir.html</link>
<pdalink>https://interxeber.az/iqtisadiyyat/6264-azerbaycanda-bu-rusum-legv-edilir.html</pdalink>
<guid>6264</guid>
<pubDate>Wed, 18 Nov 2026 12:22:39 +0400</pubDate>
<category>native-yes</category>

<content:encoded><![CDATA[Baytarlıq şəhadətnaməsinin verilməsinə görə dövlət rüsumu ləğv edilir.<br /><br /> Milli Məclisin bu gün keçirilən iclasında müzakirəyə çıxarılan "Dövlət rüsumu haqqında" qanuna təklif edilən dəyişiklikdə əksini tapıb.<br /><br />Hazırda Qanunun 18.66.1-ci maddəsinə əsasən, şəhadətnaməsinin verilməsinə görə 10 (on) manat məbləğində dövlət baytarlıq rüsumu müəyyən edilib. Hər dəfə ödənişli əsaslarla şahadətnamələrin alınması sahibkarlıq subyektləri üçün əlavə maliyyə yükü və digər xərclərə səbəb olur ki, bu hal da heyvan mənşəli məhsulların maya dəyərinə, habelə satış qiymətlərinə təsir göstərir.<br /><br />Sözügedən qiymət artımının qarşısını almaq məqsədilə baytarlıq şəhadətnaməsinə görə təsbit olunan dövlət rüsumunun ləğv edilməsi məqsədəuyğun hesab olunur.<br /><br />Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.]]></content:encoded>
</item></channel></rss>