Ömür yoluna nəzər salanda zəngin bioqrafiyaya malik olan GÜLZAR MAHMUDOVA haqqında söz açmaq əslində çox cetindir. Belə demiş söyləmiş ata-babalarımız alimin (ülemanın) mürəkkəbi şəhidlərin qanından üstün tutulur. Elə buna görədə bu zəngin büsbütün həyati bioqrafiyasını sizlərə təqdim edirik.
Mahmudova Gülzar Rafiq qızı
Professor, sənətşünaslıq doktoru
ÜZEYİR HACIBƏYLİ adına BAKI MUSİQİ AKADEMİYASI

Ü.Hacıbəyli adına Bakı Musiqi Akademiyasının aparıcı müəllimlərindən biri, sənətşünaslıq doktoru, professor Gülzar Rafiq qızı Mahmudova uzun illərdir ki, bu təhsil ocagında fəaliyyət göstərir. O, Azərbaycanın musiqi elmi, tənqid və publisistika sahəsində öz sözünü demiş, özünəməxsus yeri olan istedadlı alim və musiqişünasdır.

Mahmudova Gülzar 1970-ci ildə noyabr 9-u Bakı şəhərində anadan olmuşdur. O, 1977-87-ci illərdə 46№-li orta məktəbdə və 1977-1988-ci illərdə Dzerjinski adına orta ixtisas musiqi məktəbdə təhsil almışdır və fərqlənmə bitirmişdir. O, 1988-1993-cü illərdə Ü.Hacıbəyli adına Azərbaycan Dövlət Konservatoriyasının tarix-nəzəriyyə fakultəsində təhsil almışdır. Tələbəlik illərində G.Mahmudova Ü.Hacıbəyli adına xüsusi təqaüdçü olmuşdur. 1992-ci ildə tələbələrin ən yaxşı elmi işinə görə Azərbaycan Respublikasının Təhsil Nazirliyi tərəfindən təşkil edilən Respublika müsabiqəsinin laureatı olmuşdur. Ü.Hacıbəyli adına Azərbaycan Dövlət Konservatoriyasını fərqlənmə diplomu ilə bitirmişdir. 1994-cü ildə Üzeyir Hacıbəyli adına gənc musiqişünasların I Respublika müsabiqəsinin qaliblərindən biri olmuşdur. Azərbaycanın ən yaxşı gənc musiqiçiləri arasında “Azərbaycan gəncliyi – Azərbaycanın gələcəyi” kitabina daxil edilmişdir. Sənətşünaslıq elmi sahəsində ölkəmizdə ən gənc elmlər doktoru (36 yaşında) olmuşdur.
Dərin biliklərə malik bir gənc mütəxəssis kimi o, Konservatiriyanı bitirərkən “Musiqi nəzəriyyəsi” kafedrasında saxlanılmışdır və artıq 25 ildir ki, burada uğurla çalışmaqdadır.

Hazirda G.Mahmudova BMA-nın aparıcı müəllimlərdən biridir. O, “Musiqi nəzəriyyəsi” kafedrasının professoru kimi ən çətin və məsuliyyətli kursları apararaq, musigişünas tələbələrə “İxtisas”, “Polifoniya”, “Harmoniya” fənlərindən dərs deyir; onun mühazirə və seminarları yüksək səviyyəsi ilə seçilir. O, 30-dan artıq bakalavr buraxılış işləri və magistrlik dissertasiyalarına uğurla rəhbərlik etmişdi.

G.Mahmudova “Polifoniya” kursunun mövzularını bütövlüklə əhatə edən Azərbaycanda ilk dərsliyin müəllifidir (Polifoniya, Bakı, 2011), həmçinin “Solfecio” fənni üzrə dərs vəsaiti (Musiqi eşitmə qabliyyətinin tərbiyyəsi və inkişafı, Bakı, 2009), metodik vəsaitlər (5), tədris programmların (8) tərtibçisi olmuşdur.

Onun tələbələri bir çox nüfuzlu beynəlxalq konfranslarda, simpoziumlarda və seminarlarda uğurlu iştirak ediblər və fəxri diplom və sertifikatlara layiq görülmüşlər.

Hazırda G.Mahmudova sənətşünasliq doktoru (2008), professor (2012). O, BMA-nın tarix-nəzəriyyə fakultəsinin dekanı, BMA-nın Elmi Şurasının üzvü, tarix-nəzəriyyə fakultəsi Elmi Şurasının sədridir.

Ulu Tanrı alimlərimizi və üləmalarimizi qorusun amin amin amin.