Dövlət Gömrük Komitəsi (DGK) bilavasitə satış məntəqələrində qadağan olunmuş pirotexniki məmulatları müsadirə edəcək.

Interxeber.az saytı anspress.com saytına istinadən bildirir ki, bu barədə DGK-nın sədr müavini Əsgər Abdullayev açıqlama verib.

Onun sözlərinə görə, Azərbaycana pirotexniki məmulatlar qaçaqmalçılıq yolu ilə gətirilir: "Gömrük Komitəsi belə faktların aradan qaldırılması üzərində işləyir, lakin qaçaqmalçılar ölkəyə qanunsuz olaraq pirotexniki məmulatlar keçirməyə müvəffəq olurlar".

Qeyd edək ki, Azərbaycanda pirotexniki vasitələrin satışı qadağan edilib, lakin bayramlar, xüsusilə Yeni il ərəfəsində ölkədə müxtəlif pirotexniki məmulatların satışı faktlarına tez-tez rast gəlinir.