"Öncə hörmətli Ticcani Muhammad-Bandeyi Baş Assambleyaya başçılıq etməsi münasibətilə təbrik etmək və ona vacib vəzifələrində uğurlar diləmək istəyirəm. Cənab Məhəmməd-Bande fəaliyyət göstərdiyi müddətdə Azərbaycan Respublikasının hərtərəfli dəstəyinə arxalana bilər. Zati-aliləri xanım Mariya Fernanda Espinosa Qarsesə Assambleyanın yetmiş üçüncü sessiyasına rəhbərliyi zaman sərf etdiyi böyük əməyinə görə minnətdarıq".
Bu sözləri Azərbaycan Respublikasının xarici işlər naziri Elmar Məmmədyarov Birləşmiş Millətlər Təşkilatının Baş Assambleyasının 74-cü sessiyasının ümumi müzakirələrində çıxışı zamanı deyib.
Nazir bildirib ki, dünyanın bu gün üzləşdiyi hədə və təhdidlər beynəlxalq hüquqi nizamın gücləndirilməsi və çoxtərəfliliyə, Birləşmiş Millətlər Təşkilatına inamın yenidən artırılması üçün bizim birgə səyləri tələb edir: