“Regionda ən çox Gürcüstan əziyyət çəkib”.

Ərazi bütövlüyü məhz elə bir prinspidir ki, biz onun üçün qəti şəkildə mübarizə aparmalıyıq.

Interxəbər Oxu.Az istinadla xəbər verir ki, bu barədə Gürcüstanda səfərdə olan AŞPA-nın prezidenti Ann Brassör gürcü spiker David Usupaşvili ilə görüşdən sonra mətbuat konfransında deyib.

Onun sözlərinə görə, Ukrayna narahatçılıq predmetindən daha artıqdır. Bununla yanaşı, Brassör deyib ki, regionda digər ölkələrdən ən çox Gürcüstan əziyyət çəkib.

“Zorakılığın yol olmaması üçün biz ümumi çıxış yolu tapmalıyıq. Çətindir, lakin tərəfimizdən parlament diplomatik yollarının axtarılmasını artırmaq lazımdır.

Rusiyanın AŞPA-da səsvermə hüququnun dayandırıldığını nəzərə alsaq, onlar bizlə işləməkdən imtina etdilər...

Lakin heç nəyə baxmayaraq, onlar bizim üzvlərimizdir, biz onlarla münasibətləri və dialoqu davam etdirmək istəyirik. Lakin ərazi bütövlüyü elə bir prinsipdir ki, bu prinsip üçün qəti mübarizə aparmalıyıq.

Heç kimin ərazi bütövlüyü prinsipini pozmağa haqqı yoxdur. Bu məsələ, Abxaziya və Cənubi Osetiyaya aiddir”, - Brassör jurnalistlərlə görüşdə bildirib.