Şimali Kipr Cümhuriyyət Məclisinin sədri azərbaycanlı həmkarı ilə telefonla danışıb » İnterxəbər.Az
interxeber.az » Siyasət » Şimali Kipr Cümhuriyyət Məclisinin sədri azərbaycanlı həmkarı ilə telefonla danışıb


Şimali Kipr Cümhuriyyət Məclisinin sədri azərbaycanlı həmkarı ilə telefonla danışıb

20-07-2020, 03:05
Oxunub: 393
Çap et
İyulun 17-də Şimali Kipr Cümhuriyyət Məclisinin sədri Teberrüken Uluçay Azərbaycan Respublikasının Milli Məclisinin sədri Sahibə Qafarovaya zəng edib.

Azərbaycan Respublikası Milli Məclisi Aparatının məlumatında belə deyilir.

Qeyd olunur ki, Teberrüken Uluçay Azərbaycan-Ermənistan dövlət sərhədinin Tovuz rayonu istiqamətində gedən döyüşlər zamanı həlak olan şəhidlərin ruhunu ehtiramla yad etdiyini bildirərək, onların ailələrinə başsağlığı verib, yaralananlara şəfa dilədiyini ifadə edib. Hər zaman Azərbaycanın suverenliyini və ərazi bütövlüyünü dəstəklədiklərini bildirən Cümhuriyyət Məclisinin sədri Ermənistanın Azərbaycanla dövlət sərhədində törətdiyi təxribatı qəti şəkildə pislədiklərini və Ermənistanın bu addımlarının yolverilməz olduğunu vurğulayıb.
Sonda cənab Uluçay Azərbaycana daimi rifah və qələbə arzuladığını bildirib.

Milli Məclisin sədri Sahibə Qafarova öz növbəsində göstərilən diqqət və dəstək üçün cənab Uluçaya dərin təşəkkürünü ifadə edib. S.Qafarova bildirib ki, Azərbaycan Respublikasının Prezidenti, Ali Baş Komandan İlham Əliyevin yürütdüyü siyasət nəticəsində güclü orduya malik Azərbaycan Silahlı Qüvvələri Ermənistanın təxribatına dərhal və adekvat cavab verib. Milli Məclisin sədri əminliklə qeyd edib ki, Azərbaycan öz ərazi bütövlüyünü ən qısa müddətdə bərpa edəcək və qələbə çalacaq.

Sonda Sahibə Qafarova Cümhuriyyət Məclisinin sədrinə telefon zəngi üçün təşəkkür edib.
Reytinq: